文章
相簿

香港~~北角 酒店餐廳 香港飲食日誌 (自助餐)

~蠔。龍蝦。燕窩。12道雪糕風味~超凡體驗 @ Harbour Grand Cafe ( 北角港島海逸君綽酒店 )

美食焚化爐 於 2018年01月28日發表   人氣:1666


 
 
畢竟香港人都幾喜歡食Buffet,無他,因為選擇多,又無須遷就當
 
中有人唔食牛或者唔食魚,又有人鐘意食海鮮,五花八門,有時候
 
唔使傷腦筋,Buffet真係好選擇,但係要搵間有質素,感覺可以回
 
本的就更化算。
 

 

 
 
位於北角港島君綽海逸酒店內的 Harbour Grand Cafe ,月前曾經造
 
訪過,可說是近年的又一大驚喜,睇完以下的體驗,就可以知道有
 
幾誇張。
 
 
 
每位客人會先行捧上一客燉蛋白燕窩,秋冬日子就更滋補。
 
 
 
生蠔
 

 

 

 
 
 其4有三款即開生蠔,包括Irish Rock Oyster(Irish)、Pacific
 
Rock Oyster(America)及Fine de Claire Oyster
 
(France ,個人首選法國生蠔,在好幾款中蠔味最重,美國蠔
 
是依然故我,蠔味稍淡,若閣下是蠔迷,每款兩件都差不多要成百
 
蚊,不錯吧!
 
 
 
 
Seafood Platter
 
 
 
 
如果對蠔興趣不大,放心,有半開波士頓龍蝦,嫣紅的蝦膏豐腴甘
 
香,肉質爽彈,街市買又係要成百蚊隻。
 
 
 
 
 再有法國麵包蟹,同樣蟹膏澎湃,稍嫌蟹鉗要花時間夾開。
 
 
 
 
 加埋加拿大蟹腳、智利藍青口、法國翡翠螺及熟蝦,海鮮陣容已
 
經有幾個回本位。
 
 
 
 刺身
 
 
 
 
 切記,逢星期五六有加拿大海膽,雖然並非大大片,但已經誠意
 
十足。
 
 日常提供的有大大隻既帶子,質地幼嫩,肥大肉厚,真係好鐘意
 
食。
 
 而牡丹蝦足足六吋長,蝦肉甜美,每次去至少食半打,計計埋
 
埋,單是海鮮加生蠔都差不多回了大半本。
 
 至於三文魚、吞拿魚、八爪魚及希靈魚,個人建議留肚食其他
 
野。
 
 
 
 
 現場所見,香煎鴨肝配蘋果醬是其中一款受歡迎菜色,雖然每人
 
每次只限兩件,但經常要等,可能每件都很小巧,就算邪惡都不怕
 
過份。
 
 
 
Carving Station
 

 

 
 
燒羊髀羶味不會太重,而燒西冷扒選了中間較生的部位,肉味幾
 
濃。
 
 
 
朋友大推炸魚薯條,熱辣辣,外層炸漿又薄又脆,超好食。
 
 
 
 
 附近還有焗酥皮牛肉洋蔥批、法式橙汁鴨胸、烤羊架、烤雜菜、
 
烤鯊魚鰭及烤雞扒,不妨試試。
 
 
 
 湯
 
 
 
 
 燉湯是沙參玉竹煲排骨,湯色清,但味香濃,在家絕不會花柴火
 
去燉湯,所以每次遇上了總不會錯過。
 
 而西湯是蘋果南瓜湯,不過興趣不大。
 
 但原來另有海龍皇湯隱身其中,大家可以發掘下,味道都幾香濃
 
的。
 
 
 
 熱葷
 
 
 
 
 北京烤鴨
 
 原隻烤鴨,包皮用蒸籠保溫,每件包保熱辣辣,不過切鴨是直
 
切,如果可以斜切的話,口感會更好。
 
 
 
 
 星洲龍蝦鉗
 
 好奇怪,星洲龍蝦鉗理應好受歡迎,可能海鮮吧有龍蝦肉,無須
 
花時間起肉吧!食落其實幾香口。
 
 

 

 

 

 
 
 若果同行有老人家,相信蟹籽蟹肉西蘭花、蒸魚、椒鹽肉排及燒
 
味拼盤等中式美食就最啱佢地。
 
 

 

 

 

 
 
 另外又有其他東南亞菜色,泰式辣牛肉、泰式炒雜菜、泰式炒
 
飯、印度薄餅及咖喱,種類既多,而且印度薄餅更加係即製,新鮮
 
熱辣。
 
 
 
 
 中式麵檔
 
 除了雞湯及清湯外,更有喇沙湯底,水準可媲美專門店,配料是
 
魚皮餃及菜蔬什菇,麵的選擇反而幾多。
 
 
 
 
沙律
 
一整枱都係芝士同沙律。
 
 
 
 
最吸睛的一定係摩洛哥龍蝦沙律,龍蝦啖啖肉,口感清新。
 
 

 

 

 

 
 
另外有蕃茄水牛芝士、莎樂美腸、意大利雜肉拼盤、中東米沙律、
 
煙三文魚、雞豆蓉沙律、水牛芝士車厘茄、 鴨肝慕絲、日式浸蘿
 
蔔及水煮三文魚配酸忌廉。
 
 
 
 飲品
 
 凍檸茶、橙汁、蘋果汁及自助茶水機,小朋友同大人可任意享
 
用,無須搵服務員又要等。
 
 
 
 甜品
 
 
 
 
總共十二款Movenpick雪糕 ,有Crème Brûleé、 冧酒提子雪
 
糕、 意大利奶凍雪糕、乳酪雪糕、焦糖雪糕、青檸檸檬雪葩、熱
 
情果香港雪葩、Maple Walnut、Espresso Croquant、
 
Hazelnut及瑞士朱古力,陣容龐大,食足12球都係一個回本位,
 
點都要百幾二百蚊,更何況可任加 toppings,以為食完雪糕已經
 
滿足?閣下實在太單純了!
 

 

 

 
 
越南地道甜品原來是蕃薯、椰絲、椰子、香蕉及南瓜上脆漿炸過,
 
再配上雪糕球,冷熱夾雜,找不到不好吃的道理。
 
 
 
酒煮車厘子在Buffet中不常見,特意點了一份,有濃濃的酒香,車
 
厘子又夠甜,不錯。
 
 
 
綠茶味Chocolate Fountain ,大家可以用棉花糖或者新鮮水果浸
 
落朱古力噴泉,又係好味到震。
 

 

 

 

 

 

 

 
 
仲有美國芝士蛋糕、 巴黎鐵塔朱古力餅、法式栗子撻、紅桑子熱
 
情果意大利蛋白撻、德國芝士餅、拿破侖蛋糕、馬豆糕、椰汁糕、
 
糯米糍、牛油麵包布甸、豆腐花、士多啤梨蛋糕、木糠布甸及啫
 
,根本無可能試得均。
 
 
 
P.S :
 
 
 
 
原來熱葷仲有其他菜色,會輪番更換,先試試另一款海龍皇湯,以
 
魚湯做base,加入大量海鮮,藍青口、海蝦、帶子與及洋蔥,湯底
 
自然更加鮮甜啦!
 
 
 
紅酒燴牛尾
 
 很常見的一道菜,牛肉濃郁,尤其是醬汁最啱用作撈白飯。
 
 
 
 
 另一主打菜色是歐洲式羊肉,用濃蕃茄醬、肉桂、八角及蘋果去
 
燴,羊肉毫不覺羶,而且加入了蘋果,更有種自然的甜香,不錯。
 
 

 

 
 
 鹽燒大蝦
 
 燒至外殼脆卜卜,陣陣焦香,褪去蝦殼,只見蝦肉紅白相映,份
 
外誘人,仲要任食,不過以上幾款是不定期推出,要食到就要靠運
 
氣了。
 
 
 
P.S :
 
自助晚餐 (週日至週四)
 
HK$558/成人, HK$338/小童
 
自助晚餐 (週五、六、公眾假期及公眾假期前夕)
 
HK$588/成人, HK$368/小童
 
經網頁預訂會有七折優惠,若果十位以上,更會有65折優惠,算起來不過 $450 左右,真係相當抵食呢 !!
 
 
 
酒店專頁 : Harbour Grand Cafe
 
 
 
Facebook 專頁 : 港島海逸君綽酒店
 
 
 
地址 : 北角油街23號港島海逸君綽酒店3樓
 
 
 
電話 : 2121 2689
 
 
 
味道 : 4  環境 : 4  服務 : 4  衛生 : 4  抵食 : 5  位置 : 5
 
 
 
希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝!
 
 

 


上一篇:走訪舊區的美食 @ Café 8 Degrees (土瓜灣8度海逸酒店)

下一篇:台灣名店落戶香江 ~ 魂牽夢縈的鴨血 @ 麻神 ( 銅鑼灣 )


本BLOG人氣文章

龍蝦花膠鮮味粥底蒸氣火鍋 @ 帝景軒 (荃灣汀九帝景酒店)
對於餐廳不太多的酒店而言,當然要力求多變..
精巧的西班牙菜 @ Savvy (佐敦登臺酒店)
西班牙足球經常欣賞,西班牙美女熱情如火,..
吃喝玩樂在深秋 @ 花月庭 (旺角帝京酒店)
每到深秋時分,除了片片紅葉,又會令人想起..
荃灣至抵之選 @ Café Circles (荃灣香港如心海景酒店)
剛結婚時,曾在屯門居住了好幾年,當時放工..

美食焚化爐

在不同網站發表超過2,000篇文章, 早年曾替新假期撰寫深圳飲食小冊子,亦曾在U Magazine內有介紹本地飲食專欄, 現正不定期為Openrice發表深圳飲食攻略


個人網頁 http://www.foodiephilip.com 電郵 stoneage01@hotmail.com Facebook專頁 爐心私語
標籤
累計瀏覽次數: 296,357
所有文章: 327
本日訪客人數: 383
累計訪客人數: 267,526