文章
相簿

九龍~~尖沙咀 酒店餐廳 香港飲食日誌 (自助餐)

超正~任食即煮阿拉斯加帝王蟹~即切平政平政、油甘及鱆紅魚@ Cafe 咖啡廳(尖沙咀香港尖沙咀凱悅酒店)

美食焚化爐 於 2018年09月04日發表   人氣:1803


 
 
在Buffet內,能夠以任食活煮龍蝦的酒店,真係一隻手數得出,位
 
於尖沙咀的Hyatt Regency就是其中之一,第一次造訪,已經忍不
 
住拍了段短片,想不到事隔多月,酒店方面是更上一層樓,今次是
 
呈獻「悅新鮮」阿拉斯加帝王蟹專區。

 
 

 

 

 
年前曾在韓國品嚐過一次,一隻普通體形都要過千,何況今次是更
 
大隻。
 
 
 
咖啡廳平日是活煮龍蝦,但遇上指定日子,就會搖身一變,由龍蝦
 
轉成阿拉斯加帝王蟹,性價比更高。
 
 

 

 



活煮新鮮阿拉斯加帝王蟹

 


配料有薄荷鮮桃酸奶醬/泰式辣醬/鮮檸角/山葵飛魚籽汁
 
每人每次只可取蟹爪或蟹鉗位一條,但實在超級大條,食兩round
 
都差不多飽肚,蟹肉柔嫩可口、鮮甜味美,不過 Buffet 初段時間
 
要輪候較長時間,但有攻略提供,由於是無限量供應,當晚食到8
 
點半左右,人龍開始消失,根本無須排隊,隨時可以食到,大家倒
 
不如把時間用在輪候即切魚生吧!因為每款只得一條啊!
 
 

 

 

 



原條手切魚生

是晚會即切三款魚,包括平政魚、油甘魚及鱆紅魚。
 
時間分別為 :

 

 



6點45分 : 油甘魚

 

 

7點15分 : 平政魚

 

 

7點45分 : 鱆紅魚

 


想食魚腩位就要預先排隊,得幾份好快無。

 


三款雖然同是白肉魚,但質感、魚味都各有不同,愛刺身的朋友絕
 
對是另一必食位。
 
 

 



阿拉斯加蟹黃炒飯

 


既然原隻拎去煮,蟹蓋當然不會浪費,蟹黃都用作炒飯,好乾身,
 
又夠豐腴,試少少好啦,因為仲有好多野食。

 



Seafood Station
 
 
 

 


雖然有太正既阿拉斯加蟹,海鮮區仍有花蟹、沙白、翡翠螺
 
、藍貝及凍蝦提供,尤其是翡翠螺超大隻,肉質煙韌,個胃仲有空
 
間既,不妨試下。

 



刺身
 
 
 

 


有肥美肉厚的帶子、柔韌彈牙的八爪魚、肥美可口的三文魚及吞拿
 
,大家可要花點胃納去食返轉。
 

 



Carving Station
 

 

 

另一個人龍位,就是輪候鐵板鵝肝了,即煎鵝肝夠肥美,又富油
 
香;鐵板羊架煎得啱啱好,但羶味不會太重,同行的女性朋友都大
 
讚;仲有肉味濃郁,即煎鐵板西冷
 
 
 

 



大堂一角,提供的威靈頓牛柳質素好,牛柳嫩滑,肉質嫣紅,外層
 
酥皮鬆化,是難得的水準。

 



 
 

 


中湯是火喉十足的沙參玉竹燉豬展,熱辣辣又清甜,實在忍不住喝
 
了兩三碗。
 
 

 



天婦羅

有即炸海蝦及茄子,賣相不錯,但近日喉嚨發炎,唯有放棄。

 



熱葷

 


大概可分為中式同西式兩類,先講中式。
 
 
 

 



越式生牛肉湯粉

 


可以選擇金邊粉或檬粉,牛肉上湯清澈而濃香,熱燙地將生牛肉灼
 
熟,保留肉汁,令牛肉更覺柔嫩,而客人又可按喜好加入蔥花、香
 
蒜及辣椒粒之類,務求令味道多變化。
 
 
 


豬腳薑

 


其實賣相勁澎湃,海鍋豬腳薑,單係個砂鍋蓋,要拎起都好吃力,
 
豬腳炆得好稔,雞蛋入味,不錯。
 
 
 

 



另外,仲有辣雞肉串、老乾媽炒蝦、豉汁炒沙白、紅燒腩肉、椒鹽
 
鯧魚、欖菜肉鬆炒飯
 
 

 

 

 

 



至於西式有紐倫堡腸、紅酒燴牛尾、燒牛舌及燒豬寸骨

 

 



燒味

 


全是酒店自家出品,乳豬皮薄香脆;叉燒選半肥瘦的、油雞入味甜
 
香,而燒鵝皮脆肉滑。
 
 

 

 

 



若果喜歡印度食物,又有印度黃飯、印式烤雞、印式羊肉咖哩及印
 
式咖哩蝦


甜品
 
 

 


整個甜品區根本可以自成一國,喜歡的朋友基本上可以消磨一晚。
 
 

 



如果喜歡榴槤的話,就要留意晚上大約7點45出現的貓山王榴槤
 
芝士撻,每位可以取兩件,表面烘得微焦,榴槤軟熟香口,超正。
 
 
 

 



雪糕迷就要試下餐廳的自家製雪糕,有Chocolate、Vanilla、
 
Raspberry Sorbet、Mango、Frozen Yogurt Strawberry與
 
及Coffee口味,質感香滑,再加點 toppings,此刻,大人都變細
 
路。
 
 
 

 



想食檸檬柚子沙冰或芒果沙冰,就千萬不要心急,因為要花時間打
 
成冰粒,食到尾聲先拎都未遲。
 
 
 

 



自家製豆腐花,輕盈富豆香,旁邊的楊枝甘露,用上小樽盛放,方
 
便衛生。
 
 

 

 

 

 
 


先細數一下,有香蕉朱古力蛋糕、紅莓椰子蛋糕、芒果夏威夷果仁
 
蛋糕、德國榛子蛋糕、綠茶紅豆蛋糕、雲呢拿拿破崙、
 
Tiramisu、椰子奶凍杯芒果汁、白朱古力慕絲配紅莓、綠茶芝士
 
蛋糕、法式馬卡龍、雜莓撻、椰子香蕉蛋糕、杏仁朱古力蛋糕、芒
 
果柚子蛋糕、麵包布甸、葡撻及涼粉,種類夠多了吧?


簡單的試了法式馬卡龍,味道有七八款,外表飽滿,甜度不算太
 
強;Tiramisu相當對板,鬆軟又濕潤,淡淡的酒香更是誘人;綠茶
 
芝士蛋糕比較結實,但芝士味與綠茶好夾。
 
 
 
P.S : 奉勸大家有心想食就要注意日子,仲要留定肚,單單蟹腳加
 
刺身差不多已經回本。


供應期由9月1 日至10月31日

星期一至五: 晚上6時至10時

星期六、日及公眾假期 : 晚上6時30分至10時

星期一至四 : 成人$628 / 小童 $314

星期五至日、公眾假期及前夕 : 成人$688 / 小童 $344
 
 
 
Facebook 專頁 :
 

 

 

 

 
 
 
 
地址 : 尖沙咀河內道18號香港尖沙咀凱悅酒店大堂樓層
 
 
 
電話 : 37217700 / 37217701
 
 
 
味道 : 4  環境 : 4  服務 : 4  衛生 : 4  抵食 : 5  位置 : 5
 
 
 
希望各位喜歡這篇文章的朋友,請在我的專頁上剔"LIKE",當作小
 
小的鼓勵吧!謝謝!
 
 
 
 

 


上一篇:初遇法國狂牛@ Mirage Bar & Restaurant (灣仔香港萬麗海景酒店)

下一篇:年度最正龍蝦 @ Supergiant Tapas & Cocktail Bar (銅鑼灣問月酒店)


本BLOG人氣文章

黃埔灘上的溫情 @ 1935 ( 中環 )
在家中,偶爾都會翻開相冊,看看早已遠去的..
我們的黃金歲月 @ Cafe on the PARK ( 尖沙咀皇家太平洋酒店 )
對於自己,最緬懷的歲月大概是七八十年代吧..
吃喝玩樂在觀瀾~~晚餐篇 @ 駿豪軒 ( 觀瀾湖度假酒店 )
深圳兩日一夜之旅,就由駿豪軒開始。 ..
一晚盡嚐~~鮑參翅肚 @ 君綽軒 (北角港島海逸君綽酒店)
近日不論身體或家庭,都有些少阻滯,心情未..
再度重遇「蟹」 @ 龍苑 (尖沙咀金域假日酒店)
踏入深秋,鵝、蛇、羊及蟹是最肥美當造的時..

美食焚化爐

在不同網站發表超過2,000篇文章, 早年曾替新假期撰寫深圳飲食小冊子,亦曾在U Magazine內有介紹本地飲食專欄, 現正不定期為Openrice發表深圳飲食攻略


個人網頁 http://www.foodiephilip.com 電郵 stoneage01@hotmail.com Facebook專頁 爐心私語
標籤
累計瀏覽次數: 309,713
所有文章: 337
本日訪客人數: 349
累計訪客人數: 280,377