文章
相簿

九龍~~荃灣 酒店餐廳 香港飲食日誌 (自助餐)

荃灣至抵之選 @ Café Circles (荃灣香港如心海景酒店)

美食焚化爐 於 2018年10月03日發表   人氣:149


剛結婚時,曾在屯門居住了好幾年,當時放工要轉車,往往會在荃

灣用餐。

 

 

 

 
其後,每年新春都會往囝囝的契爺契媽家中拜年,飯聚就多數會選
 
擇如心酒店內的中菜廳,至於自助餐卻真的未造訪過。
 
 
 
今次跟幾位朋友飯聚,可說是有點新意。
 
 
 
一脈相承,跟香港仔如心一樣,餐廳中間放國有一條大木檯,原來
 
是由同一條大樹從中分割。
 

 

 
 
仗著人多,餐廳每八位送一客斧頭扒,份量十足,八位用都是啱啱
 
可以消滅到,肉味的確濃郁,尤其是骨膜位帶油香更是一流。
 
 


而每位客人都會獲送一份波士頓龍蝦與及香煎鴨肝
 
半開波士頓龍蝦烤至微焦,滿有香氣,本身又多蝦膏,好正,只可
 
惜每人一份;至於鴨肝又係夠晒邪惡,油香十足。

 

 


燒美國珍寶蠔

真係超大隻,仲大過自己隻手掌,濃稠的芝士汁蓋住蠔肉,入口
 
Creamy又多汁,好正。

 

 



海鮮

一向是Buffet重點,鱈場蟹腳幾鮮甜,難怪好快比人拎晒,但refill
 
速度幾好,無須等太耐。
 

仲有紅龍蝦仔、青口、凍蝦及翡翠螺,種類不算特別多,但質素搭夠。
 
 

 

 


灼料吧

有即煮海鮮鍋,配料都是海蝦同青口之類,客人可以選擇蒜蓉汁、
 
咖哩汁或薑蔥爆炒,今次選了蒜蓉汁,因為夠蒜香,不錯。

 

 


中式火鍋
另外,更有中式火鍋,配料有蟹柳、豬皮、獅子狗魚蛋、牛柏葉、
 
肥牛、牛丸、豆卜及魚皮,加上粉麵,與其說是火鍋,反而更似車
 
仔麵,只不過是叫法不同,其實麻辣湯底幾惹味,可以一試。

 



Carving Station
燒牛排骨西冷及燒羊髀,各切了一片,牛排骨西冷肉味不錯,但
 
可以更生些少,而燒羊髀不會太羶,女仕們應該易於接受。

 

 


刺身

有甜蝦、北寄貝、三文魚、吞拿魚、八爪魚及希靈魚,為免客人等
 
得太耐,部份是預先切好,但好快已經比人ko,北寄貝及甜蝦幾啱
 
口味,不妨拎多些少。

 



熱葷
 
 

 


基本上以中式為主,當中最吸引的是細細隻既焗蟹蓋,烘得啱啱
 
好,不會過火。

 

 


同行朋友就說印式蜜糖香料燴雞及燒豬簽骨啖啖肉又入味。

 

 

 


另外有燒羊架配香草汁、串燒海鮮、辣味蕃茄魔鬼魚及海鮮意粉
 
都各有捧場客。

 

 


自己就挑了碧綠鮑貝及雜菇炒時蔬,吃得肉類太多,都想多點菜蔬
 
幫助消化。

 

 

 


至於清蒸粉絲扇貝及辣酒煮翡翠螺,對於愛海鮮的客人就最合心
 
意。


西湯是南瓜忌廉湯,鮮甜香滑,配上麵包一流。

 

 


中湯是海龍皇素翅湯,埋芡不會太厚身,湯料有魚肉及蝦肉,加上
 
少許素翅,好有童年碗仔翅的回憶。

 





炸物

當中以蔗蝦最啱口味,蝦膠炸得金黃,質地彈牙,好味。

 

 

 



頭盤

海鮮紫菜蛋捲、燒釀雞卷、蟹肉啫喱、炒香腸伴菜根、黑椒吞拿
 
魚、泰式鳳爪沙律及泡菜,心多的朋友可以試些少。

 



甜品
 

 

 

原先是必食的雪糕,卻因為仲咳緊,就算有Häagen-Dazs
 
Banana & Cream、Vanilla、Chocolate及Cookies & Cream
 
味道,都只可以放棄。

 



雪耳冰糖杏仁蛋白燉奶放至室溫食,依然有濃郁的杏仁香氣,幾滑
 
溜,值得推介。

 

 


當然有Buffet常客朱古力噴泉,大人小朋友都啱。

 

 

 

 

 




其實甜品既擺放,分佈得幾散,大家可要搵搵,當中包括有焗藍莓
 
杏仁金寶、焗菠蘿牛油布甸、雜果啫喱、意大利芝士餅、焗酸忌廉
 
奶酪蛋糕、焗西米栗子蓉布甸、綠茶芝士餅、車厘子慕絲蛋糕、焦
 
糖燉蛋、覆盆子朱古力棉花糖蛋糕及伯爵朱古力奶凍

只簡單的試了焗菠蘿牛油布甸,幾香甜幼滑,而意大利芝士餅幾濕
 
潤鬆軟,都是不錯的選擇。


 



飲品

 

 

凍飲除了welcome drink外,更有任飲檸檬水及橙汁,另外,又有
 
咖啡機,諗起以前只得一杯,的確是進步了。
 
 
 
P.S : 星期一至星期四 成人HK$428 / 小童及長者 HK$358
 
    星期五至日及公眾假期 成人HK$478 / 小童及長者HK$388
 

 

 

 
 
Facebook專頁 : 香港如心海景酒店
 
地址 : 荃灣楊屋道8號香港如心海景酒店暨會議中心9樓
 
 
 
電話 : 22802868
 
 
 
味道 : 4  環境 : 4  服務 : 4  衛生 : 4  抵食 : 4  位置 : 4
 
 
 
希望各位喜歡這篇文章的朋友,請在我的專頁上剔"LIKE",當作小
 
小的鼓勵吧!謝謝!
 
 
 

 


上一篇:加菲蟹~龍蝦~鮑魚~海參~花膠*無法抗拒的組合* @ JW Cafe (金鐘香港JW萬豪酒店)

下一篇:金鐘新食力 @ 茶米 (金鐘)


美食焚化爐

在不同網站發表超過2,000篇文章, 早年曾替新假期撰寫深圳飲食小冊子,亦曾在U Magazine內有介紹本地飲食專欄, 現正不定期為Openrice發表深圳飲食攻略


個人網頁 http://www.foodiephilip.com 電郵 stoneage01@hotmail.com Facebook專頁 爐心私語
標籤
累計瀏覽次數: 319,648
所有文章: 343
本日訪客人數: 215
累計訪客人數: 290,279